У 4 раёнах Мінскай вобласці дзейнічае забарона на наведванне лясоў
10.04.2020
На сённяшні дзень забарона на наведванне лясоў дзейнічае ўжо ў 52 раёнах Беларусі. Дадзеная інфармацыя размешчана на інтэрактыўнай карце забаронаў і абмежаванняў на наведванне лясоў Міністэрства лясной гаспадаркі.
А вось у Мінскай вобласці, па дадзеных на раніцу 10 красавіка, забароны дзейнічаюць у Дзяржынскім, Салігорскім, Стаўбцоўскім і Мінскім раёнах.
Прычына часовых забаронаў - высокі клас пажарнай небяспекі. Стаіць гарачае, сухое надвор'е, адсутнічаюць ападкі, пажар узнікае ад найменшай іскры. На жаль, асноўная прычына пажараў - чалавечы фактар. Грамадзяне выпальваюць сухую расліннасць, з-за парываў ветру агонь пераходзіць у лясны фонд. Часта пакутуе і асабістая маёмасць насельніцтва.