Мінская вобласць і кітайскі Чунцын пашыраюць супрацоўніцтва
У Мінаблвыканкаме адбыўся Інвестыцыйны форум Беларусь - Чунцын. Вынікам стала падпісанне сумесных дакументаў, накіраваных на пашырэнне двухбаковага супрацоўніцтва, паведамляе Мінская праўда.
На пачатку форуму кітайскі бок падзякаваў усім удзельнікам за садзейнічанне ў яго арганізацыі і пашырэнні беларуска-кітайскага супрацоўніцтва. Пасля прывітальных слоў кітайскіх прадстаўнікоў слова ўзяў Надзвычайны і Паўнамоцны Пасол Беларусі ў Кітаі Юрый Сянько. Ён таксама падзякаваў арганізатарам і ўсім прысутным за садзейнічанне ў арганізацыі і ўдзел у форуме.
Услед за беларускім калегам слова ўзяў Надзвычайны і Паўнамоцны Пасол КНР у Рэспубліцы Беларусь Се Сяоюн. Дыпламат далучыўся да слоў падзякі арганізатарам форуму і таксама адзначыў прадуктыўнасць трыццацігадовага беларуска-кітайскага супрацоўніцтва.
— Правядзенне гэтага форуму сёння актуальна як ніколі, ён надасць новы імпульс развіццю двухбаковых адносін. Пры актыўным садзейнічанні кіраўнікоў нашых дзяржаў кітайска-беларускае супрацоўніцтва бесперапынна паглыбляецца. Чунцын і Мінская вобласць актыўна рэалізуюць двухбаковыя дамоўленасці і ўмацоўваюць міжнароднае супрацоўніцтва, - адзначыў у сваім звароце Се Сяоюн. У сваім выступленні намеснік старшыні Мінскага аблвыканкама Дзяніс Курленка ад імя Мінскай вобласці і ўсіх яе жыхароў выказаў кітайскаму боку віншаванні з нагоды XX з'езда Камуністычнай партыі Кітая.
— Перакананы, што прынятыя падчас XX з'езда ключавыя рашэнні будуць садзейнічаць умацаванню сусветных пазіцый Кітая, эфектыўнаму прасоўванню ініцыятыў па глабальным развіцці і бяспецы. Кітай і Беларусь звязвае даўняе моцнае сяброўства, нашы краіны аказваюць упэўненую падтрымку адна адной у пытаннях, якія адносяцца да інтарэсаў абедзвюх дзяржаў. Прыемна адзначыць, што Мінская вобласць, якую я прадстаўляю, вось ужо пяць гадоў з'яўляецца пабрацімам горада Чунцын. Мы шчыра шануем цёплыя адносіны з горадам Чунцын і прыкладаем усе намаганні для развіцця ўзаемадзеяння паміж нашымі рэгіёнамі, — падкрэсліў Дзяніс Курленка.
Таксама ў інвестыцыйным форуме Беларусь — Чупрын прынялі ўдзел намеснік старшыні Усекітайскага сходу народных прадстаўнікоў Чунцына Мо Гунмін, старшыня Капыльскага раённага выканаўчага камітэта Мінскай вобласці Сяргей Пілішчык, намеснік старшыні Мінскага раённага выканаўчага камітэта Мінскай вобласці Таццяна Іванова і іншыя.
Галоўным вынікам форуму стала падпісанне пагаднення аб супрацоўніцтве паміж адміністрацыяй Кітайска-беларускага індустрыяльнага парка "Вялікі камень", адміністрацыяй зоны асваення новых высокіх тэхналогій "Навуковы горад заходняга Кітая" і Кампаніяй па развіцці індустрыяльнага парку. Таксама быў падпісаны пратакол аб рэалізацыі пагадненняў паміж Капыльскім раёнам Мінскай вобласці і раёнам Ваньчжоў г. Чунцын і паміж Мінскім раёнам Мінскай вобласці і раёнам Юйбей г. Чунцын.
Крынiца: Мінскі аблвыканкам