У Беларусі ў 2022 годзе плануецца пабудаваць 4,2 млн кв.м жылля
У Беларусі ў 2022 годзе плануецца пабудаваць 4,2 млн кв.м жылля. Гэта прадугледжана пастановай Савета Міністраў ад 4 лютага 2022 года нумар 69, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Згодна з дакументам, у Брэсцкай вобласці будзе пабудавана 640 тыс. кв.м, у Віцебскай - 355 тыс. кв.м, Гомельскай - 520 тыс. кв.м, Гродзенскай - 475 тыс. кв.м, Магілёўскай - 330 тыс. кв.м. У Мінскай вобласці плануецца пабудаваць 1 млн кв.м, з іх 24,4 тыс. кв.м павінна быць уведзена ў эксплуатацыю ў гарадах-спадарожніках Мінскім гарвыканкамам для грамадзян, якія стаяць на ўліку маючых патрэбу ў паляпшэнні жыллёвых умоў у Мінску. У Беларускай сталіцы маюць намер пабудаваць 880 тыс. кв.м.
Для грамадзян, якія стаяць на ўліку маючых патрэбу ў паляпшэнні жыллёвых умоў, будзе пабудавана ў гэтым годзе 1,370 млн кв.м. З іх у Брэсцкай вобласці будзе ўзведзена для гэтай катэгорыі грамадзян 280 тыс. кв.м, Віцебскай - 150 тыс. кв.м, Гомельскай - 230 тыс. кв.м, Гродзенскай - 200 тыс. кв.м, Мінскай - 220 тыс. кв.м, Магілёўскай - 150 тыс. кв.м. У Мінску для маючых патрэбу ў паляпшэнні жыллёвых умоў будзе пабудавана 140 тыс. кв.м.
Аблвыканкамам і Мінскаму гарвыканкаму сумесна з Міністэрствам архітэктуры і будаўніцтва даручана забяспечыць выкананне заданняў на 2022 год па ўводзе ў эксплуатацыю агульнай плошчы жылых дамоў, у тым ліку будуемых з дзяржаўнай падтрымкай. У І квартале гэтага года неабходна забяспечыць увод не менш за 15 працэнтаў ад агульнага аб'ёму, у першым паўгоддзі - не менш за 35 працэнтаў, за 9 месяцаў - 65 працэнтаў, а таксама стварыць зачын пад праграму жыллёвага будаўніцтва на 2023 год. Таксама ім неабходна забяспечыць праектаванне, будаўніцтва і ўвод у эксплуатацыю ўсіх шматкватэрных жылых дамоў у энергаэфектыўным выкананні, прыняць меры па стрымліванні росту кошту будаўніцтва жылля, што ажыццяўляецца з дзяржпадтрымкай і за кошт бюджэтных сродкаў, забяспечыўшы выкарыстанне праектаў (серый) эканамічных жылых дамоў тыпавых спажывецкіх якасцей.
Акрамя таго, мясцовыя органы ўлады сумесна з Мінбудархітэктуры будуць аказваць усебаковае садзейнічанне грамадзянам у будаўніцтве індывідуальных жылых дамоў, у тым ліку шляхам пашырэння асартыменту прадукцыі індустрыяльнага домабудавання для выкарыстання ў індывідуальным жыллёвым будаўніцтве, стварэння сістэмы паслуг па будаўніцтве індывідуальных дамоў, аказання дапамогі ў забеспячэнні будаўнічымі матэрыяламі. Згодна з пастановай, у цэлым па краіне аб'ём будаўніцтва індывідуальнага жылля павінен складаць не менш за 40 працэнтаў ад уводу ў эксплуатацыю агульнай плошчы жылля.
Таксама ім трэба будзе забяспечыць у кожнай вобласці і Мінску будаўніцтва жылых дамоў, у якіх электрычная энергія выкарыстоўваецца для ацяплення, гарачага водазабеспячэння і гатавання ежы.
Мінфіну, Мінэнерга, аблвыканкамам і Мінскаму гарвыканкаму даручана забяспечыць своечасовае штомесячнае фінансаванне ў 2022 годзе ў адпаведнасці з кампетэнцыяй і зацверджанымі графікамі будаўніцтва (рэканструкцыі) жылых дамоў за кошт сродкаў рэспубліканскага і мясцовых бюджэтаў, а таксама будаўніцтва (рэканструкцыі) аб'ектаў інжынернай і транспартнай інфраструктуры для раёнаў (кварталаў) жылой забудовы, уключаючы раёны індывідуальнай жылой забудовы, у тым ліку за кошт сродкаў, якія паступаюць у даход адпаведнага бюджэту, які прафінансаваў гэтыя расходы, ад кампенсавання асобай, якой прадастаўлены зямельны ўчастак, затрат на будаўніцтва, у тым ліку на праектаванне, аб'ектаў размеркавальнай інжынернай і транспартнай інфраструктуры да такога зямельнага ўчастка.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2022 года.
Крынiца: БелТА